“Жооптуу бол” акциясында Жумгал райондук жалпы дарыгерлер практика борбору 2-орунду камсыз кылды.

“Жооптуу бол” акциясында Жумгал райондук жалпы дарыгерлер практика борбору 2-орунду камсыз кылды.
Калк арасында жугуштуу эмес ооруларды алдын алуу максатында бардык медициналык мекемелерде мырзалар үчүн уюштурулган “Жооптуу бол!” акциясында Жумгал райондук жалпы дарыгерлер практика борбору 2-орунду камсыз кылды.
Республика боюнча уюштурулган бир айлык акциянын жыйынтыгында Нарын блустук үй-бүлөлүк медицина борбору биринчи орунга ээ болуп 200 миң, ал эми Жумгал райондук жалпы дарыгерлер практика борбору экинчи орунду камсыздап 150 миң сомдук сыйлыктарга ээ болушту.
Акцияны Швейцариянын “Кыргызстандагы жугуштуу эмес ооруларды эффективдүү башкаруу жана алдын алуу” долбоору менен өнөктөштүктө Саламаттык сактоо министрлиги баштапкы медициналык-санитардык жардам көрсөтүүчү уюмдардын арасында өткөргөн. Саламаттыкты сактоо мекемесинин каттоосунда турган 18 жаштан жогорку эркектердин ден соолугун текшерүү менен жугуштуу эмес кант диабети, жүрөк кан-тамыр, кан басымдын жогорулашы, өпкө, залалдуу шишик ооруларын алдын алууга жана аныктоого багытталган акция февраль айында жүргөн.