7-апрель – Элдик революциясына арналган эскерүү иш чарасы өттү.

7-апрель – Элдик революциясына арналган эскерүү иш чарасы өттү.
/7.04.2025/ 7-апрелде, Чаек айылында 2010-жылдагы Элдик революциясынын 15 жылдыгына арналган эскерүү иш-чарасы өттү.
Эскерүү аземи революциянын курмандыктарына коюлган эстеликтин жанында өтүп, ага район жетекчиси А.Набиев, Чаек айыл өкмөтү Т.Күчмуратов мекеме-ишкананын жетекчилери, 7-апрель баатырлары жана курмандыктарынын жакындары катышышты.
Район акими А.Набиев эскерүү сөзүн сүйлөп, тарыхый датанын маанисин айтып, бул күн – элдин эркиндикке болгон умтулуусун, адилеттүүлүк үчүн күрөшүн жана шейит кеткендердин ыйык элесин эскерүү күнү экендигин белгиледи.
Иш-чаранын жүрүшүндө курман болгондордун арбагына куран окулуп, гүл чамбар коюлуп, маданият үйү тарабынан көркөм окуулар менен коштолгон чакан эскерүү иш чарасы өткөрүлдү.
Ошондой эле, 7-апрель Элдик революциясынын катышуучуларына жана маркумдарынын жакындарына айыл өкмөттөрү тарабынан материалдык колдоо көрсөтүлдү.