“Бир айыл бир продукт” долбоору менен тыгыз кызматташуу боюнча сүйлөшүүлөр жүрдү
Кыргыз Республикасынын Президентинин 2023-жылдын 20-февралындагы “Бир айыл-бир продукт” Улуттук экономикалык долбоору жөнүндө” № 29 Жарлыгын аткаруу максатында, 2024-жылдын 28-августунда “Бир айыл бир продукт” коомдук уюмунун директорунун орун басары Сүйүнбекова Сайкал, “Бир айыл бир продукт” долбоорунун эксперти Накамура Сан, “Бир айыл бир продукт” долбоорунун Нарын облусундагы координатору Акматов Кубан Жумгал райондук мамлекеттик администрациясынын башчысы-аким А.А.Набиев менен жолугушуп, тыгыз кызматташуу боюнча макулдашылды.
Долбоор тарабынан тандалып алынган Жумгал районундагы өндүрүүчүлөр “Как алма чипсысы”, “Кызыл туз ооз чайкоочу каражатын чыгаруу”, “Самын чыгаруу” жана Бал өндүрүүчүлөрдүн ассоциациясынын жетекчиси менен жеринде жолугушуп, жабдууларды алып берүү боюнча сүйлөшүүлөр жүрдү.
№26 Кесиптик лицейинин материалдык-техникалык базасы менен таанышышты.
Ошондой эле, “Кургатылган эт” чыгаруучу жана “Эмел” минералдык суусун чыгаруучу жеке ишкерлер дагы аталган долбоор тарабынан тандалып алынып, долбоордун өкүлдөрү аталган жеке ишкерлер менен жолугушуулар уюштурулат.